UTB (Urteko Tasa Baliokidea), maileguaren urteko kostua adierazten duen ehunekoa da, interesak, gastuak eta komisioak barne.

ITN (Interes Tasa Nominala), maileguz emandako dirua ordaintzeko adosten den ehuneko finkoa da. Gastuak eta komisioak ez dira ehuneko horretan sartzen, eta ez da derrigorrean urtean behin ordainduko, maileguaren epe osoa kontuan hartzen baitu.

SEPA ingelesezko siglak dira, Eurotan Ordaintzeko Eremu Bakarra adierazteko (Single Euro Payment Area). Europar Batasunaren ekimena da, euroa erabiltzen duten 34 herrialdetan transferentziak eta ordainketak eurotan modu berean egiteko: Europar Batasuna osatzen duten 28 herrialdeetan, Islandian, Liechtensteinen, Norvegian, Suitzan, Monakon eta San Marinon. IBAN kodea da SEPA guneko herrialdeetan eragiketak egiteko balio duen identifikazio-kode bakarra.

Helbideratze-agindua hartzekodunaren eta zordunaren arteko dokumentu pribatua da. Horren bitartez, zordunak baimena ematen dio hartzekodunari adierazitako kontu-zenbakian karguak egiteko, eta zordunari agindu horiek betetzeko. Hortaz, hartzekodunak agindua formalizatu behar du kargurik egin baino lehen.

Finantza-erakundea garenez gero, dokumentu jakin batzuk digitalizatuta izan behar ditugu nahitaez, zure identitatea eta jarduera ekonomiko edo profesionala egiaztatu ahal izateko. Hala ezartzen da Kapital Zuritzearen Prebentzioari buruzko 10/2010 Legean, eta hura betetzen ez badugu, zure txartela baliogabetu beharko dugu.

Hori dela eta, zure laguntza behar dugu dokumentazioa biltzeko:

• Nortasun-agiria (NAN edo AIZ).
• FIC (Informazio Osagarriaren Fitxa): bezeroak hura bete eta sinatu behar du; bertan jasotzen dira bere jarduera ekonomikoari buruzko datuak.
• Jarduera ekonomiko edo profesionala egiaztatzen duen agiria. Bezero edo jarduera motaren arabera, jarraian ageri diren agirietako bat edo beste entregatu beharko da:

1. Besteren konturako langileak: Nomina edo egun kobratzen duen langabezia-prestazioa, lan-harremanaren ziurtagiria (enplegu-emaileak igorritakoa), edota indarrean dagoen lan-kontratua edo lan-bizitza.
2. Pentsiodunak: Pentsioa edo hartzekoen ziurtagiria.
3. Norberaren konturako langileak: Gizarte Segurantzaren kuotaren azken ordainagiria, profesionalen elkargoaren azken ordainagiria, lizentzia fiskala edo aurreko hiruhilekoari dagokion BEZaren likidazioa zein PFEZ atxikipenenak, edota lan-bizitza. Azken ekitaldiko PFEZ aitorpena, indarrean dagoen lan-kontratua.
4. Errentaduna edo jarduerarik gauzatzen ez duen pertsona: diruaren jatorriaren egiaztagiria (herentzia, alokairuak, notarioaren agiria edo antzekoa).

Posta elektronikoz helarazi ahal dizkiguzu agiriak: documentacionfeci@elcorteingles.es. Edo, nahiago baduzu, gure merkataritza-guneetako Bezeroaren Arreta Zerbitzuan entrega dezakezu zuzenean.