Erregistratzeko, sakatu hemen. Zenbait datu pertsonal eta pasahitz bat emateko eskatuko dizugu. Etorkizunean gure webgunean erosketak egiteko erabili beharko duzu pasahitza.
El Corte Inglés webgunean erregistratzen zarenean, kontu pertsonala izango duzu. Saioa hasten duzunean, besteak beste, aukera duzu produktuak erosteko, eskaintza eta promozioei buruzko informazioa jasotzeko, zure eskaeren egoera ezagutzeko eta egindako erosketen historia ikusteko. Horrez gain, bezeroaren fitxan datu pertsonalak eta ohiko helbideak gordeko dira, beraz, ez dituzu berriz eman behar etorkizunean erosketa berriak egiteko.
Erregistratu gabe ere erosketak egin ditzakezu, Supermerkatuan izan ezik. Kasu horretan, inprimaki bat bete behar duzu helbideratzeko datuekin eta ordaintzeko moduarekin. Datuok eskaera hori bideratzeko erabiliko dira soilik.
Zure datu pertsonalen bat aldatu behar baduzu, bezero gisa duzun fitxa eguneratu besterik ez duzu. Fitxa horretan sartzeko, sakatu orriaren goialdean dagoen 'Kaixo, bezero' esteka.
Gure zerbitzari seguruan erregistratzen zarenean edo eskaera bat egiten duzunean, zure datu pertsonalak, helbidea eta ordaintzeko modua gordetzen ditugu gure datu-basean. Zure eskaera bideratzeko eta zuretzat interesgarriak izan daitezkeen eskaintza eta zerbitzuei buruzko informazioa bidaltzeko (hala eskatzen baduzu) erabiltzen ditugu soilik.
Gure Segurtasun eta konfidentzialtasun politikarekin bat, El Corte Inglés-ek segurtasun mailarik altuena eskaini nahi die bezeroei, emandako datuen konfidentzialtasuna babestuta. Hori dela eta, merkataritza-transakzioak zerbitzari seguru baten bidez egiten dira, SSL protokoloarekin (Secure Socket Layer), eta komunikazio guztiak kodetuta daude, 128 bit-eko gakoetan oinarritutako konexio zifratuarekin, komunikazioak erabat babestuta daudela bermatzeko.
Horrez gain, pantailan abisuak emateko sistema bat dugu, datuak sartzerakoan egindako erroreak identifikatzen dituztenak eta bezeroari une oro zuzentzea ahalbidetzen diotenak. Kontratatutako produktu edo zerbitzuari dagozkion datuak elektronikoki artxibatzen dira eta bezeroek datuetarako sarbidea dute edozein unetan.
Pasahitza ahaztu baduzu, webgunean saioa hasteko leihoa bistan duzunean sakatu Pasahitza ahaztu dut. Erabiltzailearen helbide elektronikoa eman behar diguzu pasahitz berria bidal diezazugun.
Helbide elektronikoa zein den ere ahaztu baduzu, deitu 900 373 900 edo bidali mezu bat helbide honetara: clientes@elcorteingles.es
Zure eskaeren egoera ikusteko, identifikatu eta, "EROSKETAK" atalean, sakatu "eskaerak" esteka; zure eskaera zein egoeratan dagoen ikusi ahal izango duzu: jasota, banaketan, entregatuta, prestatzen...
Eskaera egin eta jarraian sartzen bazara, eta eskaera horri buruzko informaziorik ez badago, ez kezkatu. Zenbait minutu behar ditu.
Erregistroaren berrespen mezua jaso ez baduzu, begiratu zure posta elektronikoko Spam edo Mezu baztergarriak karpetan. Baliteke bertan egotea.
Edo baliteke une honetan arazo teknikoren bat egotea eta minutu batzuk barru sarrerako ontzian mezua jasotzea.
Zure kontuan helbideak gehitzeko, egin klik Nire helbide-liburua estekan, saioa hasita duzunean ezkerrean ageri den menuan. Nahi beste helbide gehitu eta editatu ahal dituzu bertan.
Horrez gain, entrega-helbide berria eman dezakezu Erosketa prozesuan, edo eskaera etxean ala merkataritza-gunean jaso nahi duzun adierazten duzunean.
“Nire Gogokoak” atalera sartzeko botoia pantailaren goiko eskuinaldean dago, “Laguntza” botoiaren ondoan.
Zure gogokoak ezabatzeko, produktuaren izenaren eskuinaldean ikusiko duzun bihotzaren gainean sakatu dezakezu. Oraindik ezin dira produktuak blokeka ezabatu, baina aukera duzu sortutako zerrendak ezabatzeko.
“Nire ordainbideak” funtzionalitatearekin, “Nire kontua” atalaren barruan, zure ohiko ordainbideak gorde ahal izango dituzu; hala, egiten dituzun hurrengo erosketak azkarragoak, errazagoak eta seguruagoak izango dira. Bankuko txartelak edo zure El Corte Inglés erosketa-txartela gorde ditzakezu. Behin bakarrik gorde eta betirako izango dituzu.
Horrez gain, hainbat ordainbide gehitu ahal dituzu, baita erabaki ere horietako zeini ematen diozun lehentasuna. Nahi duzunean ezabatu ahal dituzu ordainbideak, jakina, atal horretan bertan.
Gogorarazten dizugu eskaera bat egiten ari zarenean ere gorde ahal dituzula ohiko ordainbideak; zehazki, ordainbidea aukeratu behar duzun urratsean (4. urratsa).