Belarra kantari (Bolsillo) (Tapa blanda)

Eleberri hau heriotza batekin hasten da, eta hilketa horretara iritsi arteko bide bihurri eta zoritxarrekoa kontatzen du. Laborari zuri pobreen alaba da Mary, hirira joan eta bizimodu erosoa daramana, konbentzio sozialek estututa ezkontzeko premia sentitu eta nekazari errukarri batekin uztartzen den arte. Gaizki hasitakoa gero eta okerrago joango da: bizimodu latz eta txiroak itota, gizarte zorrotz eta arrazista baten sareak lotuta, gorputz-gogoen higadura batean amilduko dira senar-emazteak, inork gelditu ezin duen gainbehera garratzean. Hegoaldeko Afrikako paisaia bezain gogorra eta ederra gertatzen da Lessingen kontakizuna, sexu, klase eta arrazazko bereizkerien salatzaile gordina, bere pertsonaien negatibo gisa pertsonen duintasunaren aldarrikatzaile ozen eta mikatza.